Menu
Ushbu kurs 12 yosh va undan kattalar uchun mo‘ljallangan bo‘lib, zamonaviy veb-dasturlashni o‘rganishni istaganlar uchun ideal tanlovdir. Kurs davomida HTML, CSS, JavaScript, va React JS texnologiyalari bosqichma-bosqich o‘rgatiladi. Nazariy darslar amaliy loyihalar bilan boyitilib, talabalar haqiqiy veb-sayt va ilovalarni yaratish bo‘yicha ko‘nikmalarga ega bo‘lishadi. Kursni muvaffaqiyatli tugatgach, talabalar mustaqil dasturlar ishlab chiqish imkoniyatiga ega bo‘ladilar.
Veb-saytlar va ilovalarning orqa qismi, server bilan ishlash qismi, ma'lumotlar bazasi va API larni yaratish asoslari. PHP, Node.js, SQL kabi texnologiyalar o‘rgatiladi.
Ushbu kurs 12 yosh va undan kattalar uchun mo'ljallangan bo‘lib, Java dasturlash tilida back-end dasturlashni o‘rgatadi. Kurs davomida o'quvchilar server tomonidagi dasturlarni yaratish, ma'lumotlar bazasi bilan ishlash, API ishlab chiqish va tizimni optimallashtirish bo‘yicha amaliy ko‘nikmalarni egallashadi. Nazariy darslar va real loyiha ishlariga asoslangan mashg‘ulotlar orqali o'quvchilar back-end dasturchi sifatida ishlash uchun zarur bilimlarni o‘zlashtiradilar.
Kurs 12 yosh va undan kattalar uchun mo‘ljallangan bo‘lib, Flutter orqali mobil ilovalar yaratishni o‘rgatadi. Kurs davomida o'quvchilar Flutter platformasida ilova yaratish, interfeys dizayni, ma'lumotlar bazasi bilan ishlash va boshqa mobil dasturlashning asosiy ko‘nikmalarini egallaydi. Amaliy mashg‘ulotlar orqali o‘quvchilar real ilovalar yaratishni o‘rganib, mobil dasturlash sohasida mustahkam bilimga ega bo‘ladilar. Kursni muvaffaqiyatli tamomlagan talabalar malakali dasturchilarga aylanadi.
Dasturiy ta’minot sifatini sinovdan o‘tkazish va ta’minlash bo‘yicha kurs. Testlash jarayonlari, avtomatlashtirilgan testlar, funksional va nofunksional testlar o‘rgatiladi.
Kurs kompyuter bilan ishlash bo‘yicha asosiy ko‘nikmalarni egallamoqchi bo‘lgan 12 yosh va undan katta yoshdagilar uchun mo‘ljallangan. Kurs davomida kompyuter va dasturlar bilan ishlash, internetdan samarali foydalanish, Microsoft Office ilovalari (Word, Excel, PowerPoint) hamda elektron pochta orqali muloqot qilish bo‘yicha amaliy mashg‘ulotlar o‘tkaziladi. Kurs oxirida kundalik hayotda va ish jarayonida kompyuterni mustaqil va samarali ishlatish ko‘nikmalariga ega bo‘lasiz.
Foydalanuvchi interfeysi va tajribasini loyihalash kursi. UX tadqiqotlar, foydalanuvchi oqimlari, prototiplash, dizayn vositalari (Figma, Adobe XD) o‘rgatiladi.
Python dasturlash tilini o‘rgatish kursi. Data Science, avtomatlashtirish va veb dasturlashda Python’ni qo‘llash asoslari o‘rgatiladi. Ushbu kurs yangi boshlovchilar va dasturlash bilan qiziqqan har qanday yoshdagi o‘quvchilar uchun mos.
Ushbu kurs grafik dizaynning asoslarini o‘rganmoqchi bo‘lgan 12 yoshdan kattalar uchun mo‘ljallangan. Kurs davomida siz dizayn nazariyasi, ranglar uyg‘unligi, shriftlar bilan ishlash va Adobe Photoshop, Illustrator kabi dasturlarni o‘zlashtirasiz. Amaliy loyihalar orqali logotiplar, bannerlar va boshqa dizayn ishlarini yaratishni o‘rganasiz. Kurs yakunida siz mustaqil dizaynerlik faoliyati uchun zarur ko‘nikmalarga ega bo‘lasiz.
Ushbu kurs 12 yoshgacha bo‘lgan bolalar uchun mo‘ljallangan bo‘lib, ularga robototexnikaning asosiy tushunchalari va amaliyotlarini o‘rgatadi. Dastur davomida o‘quvchilar robotlarni yig‘ish, dasturlash va ularning harakatlarini boshqarishni o‘rganadilar. Kurs ijodkorlikni rivojlantirish, texnologik fikrlashni shakllantirish va amaliy ko‘nikmalarni oshirishga qaratilgan. Mashg‘ulotlar interaktiv va qiziqarli tarzda tashkil etilgan.
Ijtimoiy tarmoqlarda samarali marketing kampaniyalarini yaratish kursi. Kontent yaratish, reklama vositalari va brendni rivojlantirish usullari o‘rgatiladi. Ushbu kurs ijtimoiy tarmoqlarda biznes yuritishni va brend yaratishni xohlovchilar uchun mo‘ljallangan.
Ushbu 3 oylik intensiv kursda siz moliyaviy hisobotlar, balanslar, daromad va xarajatlar hisoboti, pul oqimlari hamda soliqqa oid asosiy jarayonlarni o‘rganasiz. Kurs nazariy bilimlarni amaliy mashg‘ulotlar bilan mustahkamlab, sizga real moliyaviy holatlar bilan ishlash imkonini beradi. Tugatgandan so‘ng, buxgalteriya sohasida ishlash uchun yetarli bilim va ko‘nikmalarga ega bo‘lasiz.
Ushbu kurs zamonaviy smartfonlar yordamida professional darajadagi foto va videolar yaratishni o‘rgatadi. 3 oy davomida siz kompozitsiya, yorug‘lik, tahrirlash va kontent yaratish sirlarini o‘zlashtirasiz. Kurs amaliy mashg‘ulotlarga boy bo‘lib, har bir darsda ijodiy va texnik ko‘nikmalaringizni rivojlantirish imkoniyatiga ega bo‘lasiz. Oxirida siz sifatli kontent tayyorlash va uni samarali taqdim etishni bilib olasiz.
Ushbu kursimiz bolalar va o‘smirlar uchun mo‘ljallangan bo‘lib, tez hisoblash qobiliyatini rivojlantirishga yordam beradi. Mashg‘ulotlar davomida o‘quvchilar an’anaviy va zamonaviy usullar yordamida aqlni charxlaydi, diqqat va xotirani mustahkamlaydi. Kurs mantiqiy tafakkurni rivojlantirib, matematikani oson va qiziqarli o‘rganishga ko‘maklashadi.
Ushbu kurs 10 oy davomida ingliz tilida erkin muloqot qilish ko‘nikmalarini rivojlantirishga qaratilgan. Kurs davomida o'quvchilar kundalik mavzularda gapirish, tinglab tushunish va talaffuzni yaxshilash ustida ishlashadi. Darslar interaktiv mashg'ulotlar, rolli o‘yinlar va guruh mashg‘ulotlari orqali o‘tkaziladi. Kurs oxirida o'quvchilar o‘z fikrlarini ravon va ishonch bilan ifodalash ko‘nikmasiga ega bo‘ladilar.
ProSkill AyTi Akademiyasi o‘quvchilarga nafaqat nazariy bilimlarni, balki amaliy mashg‘ulotlar orqali tajribalarini oshirish imkoniyatini yaratadi. Har bir kursda o‘quvchilar real hayotda qo‘llaniladigan loyihalar ustida ishlaydi, bu esa ularning amaliy ko‘nikmalarini rivojlantiradi.
Mohirdev: “Loyiha Menejeri,” va “Ta’lim bo‘limi rahbari” lavozimlarida faoliyat yuritgan.
Ta’lim va texnologiyalar sohasida yangi imkoniyatlar yaratish orqali jamiyatning bilim va ko‘nikmalarini rivojlantirish.
Full-Stack Dasturlash
Mutaxassisligi: Full-Stack dasturchi.
Tajribasi: 4 yil. O‘zbekistonda mashhur “Paynet” kompaniyasida “Java software engineer” sifatida faoliyat yuritgan.
Markazdagi roli: Kompyuter savodxonligi va dasturlash kurslaridan dars beradi. Amaliy tajribasi tufayli talabalar real loyihalar ustida ishlash ko‘nikmalarini rivojlantiradi.
Mobil dasturlash
Mutaxassisligi: Mobile dasturlash.
Tajribasi: 3 yil. DATA o’quv markazida o’qituvchi, WeDrive firmasida Android dasturchi va hozirda WAIRER kompaniyasida Mobile dasturchi.
Markazdagi roli: Kompyuter savodxonligi va dasturlash kurslari o’qituvchisi. Amaliy tajriba tufayli talabalarga real loyihalar ustida ishlash ko’nikmalarini rivojlantiradi.
Buxgalteriya
Mutaxasisligi: Iqtisodiyot (tarmoqlar va sohalar bo’yicha). Iqtisodchi
Tajribasi: 3 yil. 2022 yildan hozirgacha O’z DXA Urganch filiali bosh hisobchisi. 10 dan ortiq xususiy korxona va mchj larning buxgalteriya va soliq hisobotlarini yuritib kelmoqda.
Markazdagi roli: “Buxgalteriya noldan balansgacha +1C” kursi o’qituvchisi.
Ingliz tili
Mutaxassisligi: Ingliz tilini oʻqitish.
Tajribasi: Oʻqitish boʻyicha 5 yillik tajriba. Yevropada ta’lim olgan hamda Polshadagi Amerika kompaniyalarida turli lavozimlarda tajriba orttirgan.
Markazdagi roli: O‘quvchilarning ingliz tilida ravon va ishonchli gapirish ko‘nikmalarini rivojlantirishga yordam berish. Shuningdek, ularning Yevropada to‘g‘ri universitet va kasb tanlashlariga yo‘l-yo‘riq ko‘rsatib, oliy ta’lim olish jarayonida qo‘llab-quvvatlash.
Ingliz tili
Mutaxassisligi: Ingliz tilini o‘qitish.
Tajribasi: O’zbekiston Davlat Jahon Tillari Universitetida tillarni o’qitish bo’yicha bakalavr darajasini tugatgan. 5 yillik o’qitish tajribasi va Xalqaro sertifikatga ega.
Markazdagi roli: Kichik va kattalar uchun 9-10 oylik ingliz tili kursidan dars beradi.
MENTAL ARIFMETIKA
Mutaxassisligi: Mental Arifmetika, Boshlangʻich taʼlim mutaxassisi, Ped psixolog.
Tajribasi: 2 yil. “Xalqaro Mental Arifmetika treneri” va “Yilning eng kuchli o’qtuvchisi” medallari sohibasi. “The Most Powerful Mental Arithmetic Master” sertifikatiga ega.
Markazdagi roʻli: Miyada hisoblarni kalkulyatordan ham tezroq hisoblash mantiqiy masalalar yechish boʻyicha dars berish.
O'quvchilar robototexnika, dasturlash va boshqa texnik yo‘nalishlar bo‘yicha maxsus laboratoriyalarda amaliy mashg‘ulotlar olib boradi. Ushbu laboratoriyalar zamonaviy texnologiyalar va uskunalar bilan jihozlangan bo‘lib, o'quvchilarga robototexnika loyihalari, dasturiy ta'minot ishlab chiqish va texnik tajribalar qilish imkoniyatini beradi. Amaliy bilimlarni hayotda qo‘llash orqali o‘quvchilarning ko‘nikmalari yanada kuchayadi.
Akademiyamiz har bir o'quvchining o‘ziga xos o‘rganish usuli va ehtiyojlarini inobatga olib, shaxsiylashtirilgan yondashuvni qo‘llaydi. O‘qituvchilar har bir o'quvchiga alohida e'tibor qaratadi, ular bilan individual ishlashadi va ularning bilim darajasiga mos topshiriqlar va mashg‘ulotlar tashkil qilinadi. Bu yondashuv orqali talabalar o‘z bilimlarini yanada samarali rivojlantira olishadi.
Barcha o‘quv xonalarimiz zamonaviy texnik jihozlar bilan ta’minlagan. Har bir o'quvchia o‘z o‘rganish jarayonida kompyuterlar, monitor va boshqa interaktiv qurilmalardan foydalana oladi. Bu texnologiyalar bilan amaliy mashg‘ulotlar o‘tkazilib, o'quvchilarning chuqurroq o‘zlashtirishlariga imkoniyati yaratiladi.
O‘quvchilar kurs davomida va kursni tugatib real loyihalar ustida ishlashadi, bu esa ularga haqiqiy dunyo tajribasini olishga yordam beradi. Shuningdek, o'quvchilarga hamkor IT kompaniyalarda stajirovka o‘tash imkoniyati ham yaratilgan. Bu esa ularning o‘qish davomida ish tajribasini oshirishlariga va kelajakda ish topish imkoniyatlarini kengaytiradi.
Talabalarga bepul internetdan foydalanish imkoniyati yaratilgan bo‘lib, ular onlayn resurslar, dars materiallari va qo‘shimcha manbalarga osongina kirishlari mumkin. Bu orqali o‘quv jarayonini yanada samarali qilish va qo‘shimcha bilimlar olish imkoniyati taqdim etiladi.